Um heimakerfi
Hægt er að samnýta og samstilla skrár í
tækinu við önnur tæki, svo sem tölvu,
hljóðkerfi eða sjónvarp, á heimaneti.
Einnig er hægt að skoða og spila skrár
úr öðrum heimanetstækjum í tækinu
þínu eða í öðrum samhæfum tækjum.
Til dæmis er hægt að spila tónlist sem
er vistuð í tækinu þínu í
hljómflutningstækjum sem eru með
DLNA-vottun, og stýra spilunarlistum og
hljóðstyrk beint úr tækinu.
Tækið styður UPnP (Universal Plug and
Play) og er vottað af DLNA (Digital Living
Network Alliance). Hægt er að nota
aðgangsstaðartæki eða beini fyrir
þráðlaust staðarnet til að búa til
heimanet. Hægt er að tengja samhæf
UPnP-tæki sem styðja tengingar við
þráðlaus staðarnet og eru með DLNA-
vottun við netið.
Dæmi um samhæf tæki
•
Farsími
•
Samhæf tölva
•
Sjónvarp
•
Hljóðkerfi
•
Samhæfur þráðlaus
margmiðlunarmóttakari, tengdur
við hljóðkerfi
Einnig er hægt að geyma skrár hjá
efnismiðlara eða sækja skrár úr
samhæfum heimamiðlara.
Ef nota skal þráðlausa
staðarnetsvalkostinn í tækinu þínu á
heimaneti þarf virk þráðlaus
staðarnetstenging að vera fyrir hendi í
heimahúsi.
Heimanetið notar öryggisstillingar
þráðlausu staðarnetstengingarinnar.
Nota skal heimanetið á þráðlausu
staðarneti með tæki sem er með
aðgangsstað fyrir þráðlaust net og
dulkóðun.